કસોટીમાં સફળતા કંઈ જ ગણનામાં નથી હોતી,
કે બદલાની શરત એની પરીક્ષામાં નથી હોતી.
કહી દઉં તો પછી લોકોનું રસરંજન મરી જાશે,
કે મારી હાજરી મારા તમાશામાં નથી હોતી.
ન દિલ મારું દુઃખે, એ લાગણી તો તારા દિલમાં છે,
ભલે સચ્ચાઈ કંઈ તારા ખુલાસામાં નથી હોતી.
અમે આડા પડી ત્યાં પણ વિસામા મેળવી લીધા છે,
ઊભા રહેવાનીયે સગવડ જે રસ્તામાં નથી હોતી.
ગયું કયાં રૂપ તારું કે હું આવ્યો છું સરળતાથી,
હવે કંઈ ખાસ નડતર તારા રસ્તામાં નથી હોતી.
'મરીઝ' એવાય લોકોને ઘણી વેળા દુઃખી જોયા,
કશી પણ જેમને તકલીફ દુનિયામાં નથી હોતી.
1 comment:
superb.. :-)
Post a Comment